Новости

17-мартта Мудинова Жылдыз Ташбековна 8-класстын окуучулары менен «Нооруз-жаз алып келүүчү жаңы күн» деген темада ачык тарбиялык саат өтүштү.Жылдыз Ташбековна мыкты деңгээлде сабакты максатына жеткирди.Класстын жасалгасы дагы өзгөчө маанай тартуулады.Мугалим өзү ак элечек кийип,көрүүчүлөрдү аластоодон баштады.Андан сырткары окуучулар өз өнөрлөрүн мыкты көрсөтүп беришти.Кийген кийимдеринен баштап,аткарган номерлерине чейин көрүүчүлөрдү суктандырышты.

20.03.2023 153

15-март күнү Бекитай айылындагы «Мундуз»уруусунун келиндери мектепке 5 улуттук кыргыз көйнөктөрдү чыптамалары менен белек кылышты.Күтүлбөгөн сонун белек болду.Мектеп жамааты ,администрациясы жана окуучулар аябагандай сүйүнүштү.Ушундай демилгени көтөргөн «Мундуз»уруусунун келиндерине терең ыраазычылык билдиребиз.Ден соолугуңар бекем,үйүңөрдө ырыскы болсун!Мындан ары дагы ушундай белектериңер арта берсин!

20.03.2023 94

20.03.2023 81

27.02.-16.03.23ж. мектепте технология,музыка жана чийүү сабактарынын жумалыгы болуп өттү.Сабак берген мугалимдер: Шаршенбиева У.О.,Турсунакунова Б.Б., Мудинова Ж.Т. жана Ногоева Ж.Млар жакшы деңгээлде өткөрүштү.Ар кандай конкурстар өткөрүлдү. Мисалы: кол өнөрчүлүк(кийизден оюм жасоо,жыгачты оюп сүрөт тартуу,» Менин келечектеги үйүм» проектисин,дизайнын чийүү жана мыкты аткарган жеке номер) ж.б.Окуучулар кызыгуу менен активдүү катышышты. Жеңүүчүлөр белектер менен сыйланышты.Эң мыктылар деп: 9-класстын окуучусу Камилов Амантур- проект үчүн,сүрөт конкурсунан 6-кластын окуучусу Асылбекова Жазель,Калыбекова Азиза 7-кл.Ал эми 15-март күнү 6-9-класстардын окуучулары менен КВН болду.Анда окуучулар үч топко: «Кызгалдак», «Байчечекей»жана «Шумкарлар» болушуп жарышка чыгышты.Алар логикалык суроолорго,көркөм окуу,мыкты сүрөтчү,сөздөрдөн ыр табуу,обондуу ырлардын аттарын айтуу ж.б. оюндарга катышышты.Жыйынтыгында «Кызгалдак» тобу утушка ээ болушту.

20.03.2023 72

8-март «Аялдардын эл аралык күнүнө » карата мектепте 7-март күнү директордун тарбия иштери боюнча орун басары Шейшенкулова Жылдыз Асейиновна уюштурган «Кана эмесе,кыздар!» аттуу таймаш болду.Таймашка 8,9,11-класстардын кыздары «Аруулар» жана»Кыз бурак» тобу болуп жарышышты.Калыстар тобунун мүчөсү болуп,атайын чакырылган коногубуз Жайыл райондук билим берүү бөлүмүнүн башкы адиси Урунпаша Абибилаевна катышты.Кыздар саламдашуудан баштап,бий,жандуу үн менен ырдоо,камыр жайуу өнөрлөрүн көрсөтүштү.Эң башкысы болуп кыргыздын каада-салттарынын бири болгон «Баланын кыркын чыгаруу» жана » Баланы бешикке бөлөө» салттарын мыкты көрсөтүп беришти.Жыйынтыгында «Аруулар» тобу жеңишке жетишип,белектер менен сыйланышты.

18.03.2023 95

3-март Туу күнүнө карата мектепте салтанаттуу линейка болуп өттү.Директордун окуу-тарбия иштери боюнча орун басары Шейшенкулова Жылдыз Асейиновна кыскача маалымат берди.Окуучулар Туу боюнча суроолорго жооп беришип,активдүү катышышты.

18.03.2023 66

«Ата мекенди коргоо » күнүнө карата башталгыч класстын мугалими Кадырова Рахат Табылбековна 4-класстын окуучулары менен 22-февралда » Ата мекенди коргоо -ыйык милдет» деген темада тарбиялык саат өттү. Сабакка Афган согушунун ардагери Мүсүралиев Чалкарбек байкебиз келип катышты.Ал ошол согуш тууралу окуучулардын суроолоруна жооп берип жана кыскача маалымат берди.Окуучулар кызыгуу менен угушту. Андан сырткары өз өнөрлөрүн тартуулашты.Сабак «эң жакшы» деп бааланды.

18.03.2023 96

Мектепте 23-февраль » Ата мекенди коргоо» күнүнө карата 22-февралда жигиттер арасында «Мырзалардын таймашы» аттуу конкурс болду.Конкурска 7-11-класстын окуучуларынан турган эки топ ат салышышты.Жигиттер өз өнөрлөрүн эң жакшы көрсөтө алышты. Саламдашуудан баштап,логикалык суроолор,бий,ыр,чач жасалгалоо,тамашоу,салат жасоого чейин мыкты деңгээлде аткарышты.

18.03.2023 88

Мектепте 21-февраль » Бүткүл дүйнөлүк эне тил майрамы » болуп өттү.Майрамга 2-11-класстар катышышты. Ар бир класс ар кайсы өлкөнүн каада-салттарын,саламдашууларын, улуттук кийимдерин,тамак -аштарын,ырларын,бийлерин мыкты көрсөтүп беришти.

18.03.2023 73

Мектепте 30.01.-9.02.23ж. орус тили жана адабияты жумалыгы болуп өттү. Мугалимдер Малабаева Д.Б. жана Эмильбекова К.Ш. Ачык сабактар өтүлдү.Сүрөт, стенгазета, фразеологизмдер боюнча сынактар болду. Өзгөчө өтүлгөн тема боюнча «Юный режиссер» сынагы болду. 8-11- класстын окуучулары 5мүнөттөн турган видео тасма тартышты. Мисалга алсак, 9 жана 11- класстын окуучулары А.С. Пушкин жөнүндө мыкты деңгээлде тасма даярдашкан. Жумалык орус тили боюнча » Конкурс грамотеев» КВН менен аяктады. Активдүү катышкан окуучулар чакан белектер менен сыйланышты. Жумалыктын «эң жакшы» деп бааланды.

11.03.2023 56

16.01.-26.01.23-жылы башталгыч класстардын жумалыгы болуп өттү. Мугалимдер: Кочербаева К.Д.,Джамгырчиева А.Ы., Кадырова Р.Т., Джумалиева А.Рлар жумалыкты мыкты деңгээлде өткөрүштү. Ар бир мугалим ачык сабактарды өтүшүп жана окуучулар арасында сүрөт, ребустарды табуу сынактарын уюштурушту. Окуучулар активдүү катышышты. Андан сырткары класстан тышкаркы » Атам, апам жана мен» деген темада эстафета оюнун өткүрөштү. Эстафетага 2-4-класстын окуучулары ата -энелери менен катышышты. Жеңүүчүлөр грамота жана белектер менен сыйланышты. Жумалыктын өтүлүшү «эң жакшы » деп бааланды.

11.03.2023 58

» Окуу керемет » долбоору боюнча башталгыч класстардын мугалимдери 11-январда мугалимдер арасында тренинг өткөрүштү. Башында долбоор боюнча маалымат беришип,андан кийин сабакта колдонуучу ыкмалардан көрсөтүп беришти. Тренинг аябагандай кызыктуу болду.

11.03.2023 53

1 / 212 ›